У Рагачове сутыкнуліся аўтобус і маршрутка, пацярпелі 9 чалавек (фота)

У Рагачове сутыкнуліся аўтобус і маршрутка. Як інфармуе сайт slova.by, ДТЗ здарылася пасля 17-й гадзіны 25 кастрычніка. Маршрутка ГАЗ-323133 паварочвала ў левы бок і не прапусціла аўтобус МАЗ-103485.

Пацярпелі 9 чалавек, з іх шпіталізавалі 6 — 52-гадовага кіроўцу маршруткі і пасажыраў (жанчын і мужчыну). Іх стан ацэньваецца, як стабільны. Па іншых звестках, у бальніцы застаецца 5 чалавек.