У Расіі затрымалі сірыйцаў, якія нелегальна ехалі з Беларусі
У Смаленскай вобласці расійскія памежнікі затрымалі нелегальных мігрантаў, якія рухаліся з тэрыторыі Беларусі, піша smolnarod.ru.
У раёне населенага пункта Жанвіль Хіславіцкага раёна памежнікі спынілі аўтамабіль, у якім былі шэсць чалавек усходняй знешнасці. Выявілася, што расіянін на сваім аўто вёз чатырох сірыйцаў і аднаго егіпцянна. Усе яны перасеклі расійскую мяжу нелегальна.
Раней у раёне населенага пункта Чырвоная Горка памежнікі затрымалі яшчэ 14 нелегальных мігрантаў. Паведамляецца, што ўсе яны — грамадзяне рэспублік Сярэдняй Азіі.
Раней на нелегальных мігрантаў з тэрыторыі Беларусі скардзіліся Літва, Латвія і Польшча.
