У санаторыі Светлагорскага раёна атруціліся пяць дзяцей

Надзвычайнае здарэнне адбылося 14 верасня ў адным з санаторыяў пад Светлагорскам, піша tut.by са спасылкай на ўласныя крыніцы. Пяць дзяцей з Рагачоўскага раёна ва ўзросце ад 10 да 15 гадоў трапілі ў лякарню з атручваннем.

Школьнікі, якія адпачывалі ў санаторыі, выпілі нейкую вадкасць. Паводле папярэдніх звестак, гэта быў сродак ад насякомых. 

Пасля гэтага стан здароўя дзяцей рэзка пагоршыўся, іх давялося шпіталізаваць у раённую лякарню. Ёсць непацверджаная інфармацыя, быццам двое дзяцей знаходзяцца ў цяжкім стане.

Падрабязнасці здарэння высвятляюцца.