У суботу ў Беларусі ўсё яшчэ будуць моцныя дажджы
29 красавіка ў Беларусі будзе воблачнае з праясненнямі надвор'е, перадае БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
На большай частцы тэрыторыі краіны чакаюцца дажджы, уначы і зранку па паўночна-заходняй частцы краіны — працяглыя моцныя дажджы. У асобных раёнах магчымыя навальніцы. Вецер будзе пераменных напрамкаў 4-9 метраў за секунду, пры навальніцах парывы да 14 метраў за секунду.
Уначы тэмпература паветра будзе 5-11 градусаў цяпла. Удзень чакаецца +12...+18, у заходніх раёнах Брэстчыны і Гродзеншчыны — ад 7 да 11 са знакам "плюс". Па ўсходзе Беларусі ўначы будзе 12-14 градусаў цяпла, удзень — 19-24 вышэй за нуль.
