Удзельнікаў гурта Litesound затрымалі за пратэсты 2020 года
Уладзімір і Дзмітрый Каракіны / studlive.by
Сілавікі затрымалі ўдзельнікаў гурта Litesound — братоў Дзмітрыя і Уладзіміра Каракіных. Інфармацыя пра гэта з'явілася ў адным з праўладных тг-каналаў.
У 2012 годзе гурт прадстаўляў Беларусь на песенным конкурсе "Еўрабачанне".
Цяпер жа братоў вінавацяць у тым, што яны "ўдзельнічалі ў незаконных маршах з перакрыццем дарог, заклікалі і агітавалі ў сацыяльных сетках, супрацоўнічалі з экстрэмісцкімі арганізацыямі".
Адзначаецца, што затрымлівалі музыкаў байцы САХР (спецыяльнага атрада хуткага рэагавання) у поўнай экіпіроўцы.
