Вынеслі прысуд кіроўцу, які збіў ратавальніка, занятага тушэннем пажару
Суд Калінкавіцкага раёна вынес прысуд кіроўцу, які на легкавым аўтамабілі збіў насмерць ратавальніка, занятага тушэннем пажару. Пра гэта агенцтву БЕЛТА распавяла вядучы спецыяліст Гомельскага абласнога суда Вольга Барсукова.
Здарэнне адбылося сёлета ў траўні. У Калінкавіцкім раёне легкавік збіў двух пажарнікаў, занятых тушэннем грузавіка, які загарэўся. ДТЗ адбылося на аўтамагістралі мяжа Расіі — Гомель — Кобрын. Адзін з ратавальнікаў памёр, другі атрымаў траўмы рознай ступені цяжкасці.
Суд прызнаў кіроўцу вінаватым у парушэнні правілаў дарожнага руху або эксплуатацыі транспартных сродкаў, што пацягнула па неасцярожнасці смерць чалавека. Мужчыну прысудзілі да 2,5 года пазбаўлення волі ў калоніі-пасяленні. Таксама ён на пяць гадоў пазбаўлены права займацца дзейнасцю, звязанай з кіраваннем транспартам. Пацярпелым мужчына абавязаны выплаціць 70 тысяч рублёў.
Прысуд суда не набыў законную моц, ён можа быць абскарджаны і апратэставаны ў апеляцыйным парадку.
