Затрымалі журналіста Ігара Карнея
Ігар Карней / facebook.com
Затрымалі журналіста Ігара Карнея. Ён знаходзіцца на Акрэсціна. Дома ў яго прайшоў ператрус. Дачка Карнея Паліна піша, што бацька затрыманы на 10 сутак.
Як стала вядома Еўрарадыё, супраць Ігара Карнея распачалі крымінальную справу.
Карней — вядомы беларускі журналіст. Ён супрацоўнічаў з рознымі СМІ. У 2020-м Ігара Карнея ўжо затрымлівалі.
У Беларусі не спыняюцца затрыманні журналістаў і суды над імі. Па падліках БАЖ, за кратамі знаходзіцца 35 супрацоўнікаў медыя.
