Адвакату Аляксандру Данілевічу прысудзілі вялікі тэрмін зняволення
Аляксандр Данілевіч / @viasna96
Адвакату Аляксандру Данілевічу прысудзілі 10 гадоў калоніі. Пра гэта паведамляюць праваабаронцы. Менавіта такі тэрмін прасіў для юрыста пракурор.
Данілевіча абвінавачвалі па двух артыкулах: у "закліках да санкцый" (арт.361 КК) і "садзейнічанні экстрэмісцкай дзейнасці" (арт. 361-4 КК). Так абвінавачванне кваліфікавала юрыдычную дапамогу адваката спартсменам з Беларускага фонду спартыўнай салідарнасці Аляксандры Герасімені і Аляксандру Апейкіну. Данілевіч таксама дапамагаў страйкамам складаць лісты да кампаніі Yara з заклікам устрымацца ад супрацоўніцтва з Беларуссю, дзе парушаюцца правы чалавека.
Адвакат віну не прызнаў. Ён патлумачыў, што выконваў свае прафесійныя абавязкі. Праваабаронцы прызналі Данілевіча палітвязнем.
