Афіцыйна названая дата адкрыцця Нацыянальнага футбольнага стадыёна ў Мінску
Стадыён на вуліцы Ванеева адкрыюць да гадавіны заканчэння Вялікай Айчыннай вайны / x.com/kazzz_by
Міністр спорту Беларусі Сяргей Кавальчук заявіў, што новы футбольны стадыён, будаўніцтва якога амаль завершылі кітайскія падрадчыкі, афіцыйна адкрыюць да святкавання 9 мая 2025 года.
Будаўніцтва Нацыянальнага стадыёна ў Мінску пачалося летам 2020 года. Кітай выдзеліў на праект $240 мільёнаў, пазней павялічыўшы суму да $292 мільёнаў. Акрамя стадыёна, на гэтыя грошы ў сталіцы быў пабудаваны басейн міжнароднага класа.
33-тысячная арэна размяшчаецца побач з легендарным стадыёнам «Трактар» на вуліцы Ванеева. Паводле слоў беларускіх чыноўнікаў, стадыён адпавядае ўсім патрабаванням ФІФА і УЕФА.
