Амаль палову рынку кантрабандных цыгарэт Украіны займае прадукцыя з РБ
Кантрабанда цыгарэт / MKT
49% кантрабандных цыгарэт ва Украіне з'яўляюцца прадукцыяй Гродзенскай тытунёвай фабрыкі, паведамляе даследчы інстытут "Kantar Украіна".
У ліку кантрабанды часцей за ўсё прысутнічаюць такія маркі цыгарэт як Credo, Fest, Queen, Dove, NZ і Ritm.
Яшчэ 15% кантрабанднага рынку Украіны займаюць цыгарэты, якія зроблены ў Малдове.
Агульны аб'ём цыгарэт, прададзеных у краіне нелегальна ў студзені-траўні 2021 года, склаў 7,2 млрд штук. У выніку бюджэт недаатрымаў 13,2 млрд грыўняў падаткаў.
Раней Еўрарадыё паведамляла, што рынак кантрабандных цыгарэт Латвіі на 80% заняты беларускай прадукцыяй.
