Ціханоўская павіншавала Трампа і Рэспубліканскую партыю "з упэўненай перамогай"
Дональд Трамп і Камала Харыс / Reuters
Кіраўніца Аб'яднанага пераходнага кабінета Беларусі Святлана Ціханоўская павіншавала Дональда Трампа і Рэспубліканскую партыю "з упэўненай перамогай". Амерыканскі палітык атрымаў неабходную падтрымку на прэзідэнцкіх выбарах і ўжо аб'явіў сябе новым прэзідэнтам ЗША, а рэспубліканцы будуць мець большасць у Сенаце.
"Гэта было сапраўднае свята дэмакратыі, і амерыканскі народ зрабіў свой выбар", — піша Ціханоўская.
Святлана Ціханоўская прызнаецца, што ў яе каманды ёсць кантакты з атачэннем Дональда Трампа і прадстаўнікамі Рэспубліканскай партыі: "Тэма Беларусі аб'ядноўвае розных палітыкаў у ЗША, незалежна ад іх партыйнай прыналежнасці". Яна спадзяецца, што палітыка Злучаных Штатаў у дачыненні да Беларусі "будзе рашучай, паслядоўнай і прынцыповай", і Беларусь застанецца "на міжнародным парадку дня".
"ЗША былі, ёсць і будуць нашымі саюзнікамі ў барацьбе за дэмакратычную, незалежную і мірную Беларусь", — піша Ціханоўская.
Congratulations @realDonaldTrump on your resounding victory in the Presidential election.
— Sviatlana Tsikhanouskaya (@Tsihanouskaya) November 6, 2024
I look forward to continuing & enhancing our cooperation with the U.S. to bring freedom to Belarus.
The will always be a key ally for us as we fight to free our country from tyranny.
