Ціханоўская сустрэлася са стваральнікам "Вікіпедыі"
Святлана Ціханоўская / twitter.com/Tsihanouskaya
Святлана Ціханоўская прыняла ўдзел у адкрыцці Web-Summit, дзе сустрэлася са стваральнікам праекта Wikipedia Джымі Уэйлсам.
Падчас размовы Ціханоўская нагадала, што некалькі аўтараў беларускай Wikipedia трапілі за краты праз актыўнасць на платформе. Высветлілася, што за лёсам асуджанага на 3 гады хатняй хіміі Марка Бернштэйна Уэйлс сочыць асабіста.
Саміт праходзіць у Лісабоне. Гэта адна з самых уплывовых тэхналагічных Канферэнцый Еўропы. У мерапрыемстве ўдзельнічаюць каля 70 тысяч чалавек, у тым ліку прадстаўнікі беларускіх бізнесаў і стартапаў.
