Для беларусаў у Літве і Польшчы запускаюць праект па лічбавым самакіраванні
Атрымальнікамі гэтых падаткаў прапануецца выбраць беларускія арганізацыі ў замежжы / Ілюстрацыйнае фота pixabay.com
Для беларусаў у Літве і Польшчы запускаюць праект па лічбавым самакіраванні. "Вырашайце самі, куды пойдуць вашыя падаткі", — заклікаюць яго ініцыятары з платформы "Новая Беларусь". Яны прапануюць беларусам "запоўніць падатковую дэкларацыю і фундаваць 1,5% (у Польшчы) ці 1,2% (у Літве) сваіх падаткаў на дабрачыннасць". Адзначаецца, што "гэта прыкладна 20-30 еўра паводле сярэдняга заробку ў гэтых краінах".
Беларусам прапануецца выбраць атрымальнікамі гэтых падаткаў беларускія арганізацыі, якія існуюць у замежжы, а пасля з імі вырашыць, як канкрэтна будуць траціцца гэтыя грошы.
Вырашайце самі, куды пойдуць вашыя падаткі!
— Новая Беларусь (@newbelarus_news) March 15, 2023
Так і працуе здаровая дзяржава: людзі плоцяць падаткі і ведаюць, на што ідуць іхныя грошы.
Далучыцца да праекту «Новай Беларусі» — https://t.co/zehn9a7E7f#newbelarus #новаябеларусь pic.twitter.com/PEx8v73zc0
