Джэкі Чану споўнілася 70 гадоў
Джэкі Чан / Getty Images
Сёмага красавіка свой юбілей святкуе Джэкі Чан. Ганконскі акцёр і каскадзёр лічыцца адным з самых папулярных герояў баевікоў у свеце. Ён вядомы сваім акрабатычным баявым стылем, камедыйным дарам, а таксама выкарыстаннем разнастайных "падручных сродкаў" у баях.
Пачынаючы з 1962 года, акцёр зняўся ў 114 фільмах і атрымаў ганаровую прэмію "Оскар" за ўклад у кінамастацтва.
Акрамя працы ў кіно, Джэкі Чан пабудаваў сваю музычную кар'еру. Яго альбомы з песнямі, якія ён выконвае ў шматлікіх сваіх фільмах, выходзяць з 80-х гадоў. А яшчэ ён зьяўляецца амбасадарам добрай волі ЮНІСЭФ.
