Экс-амбасадар Ігар Ляшчэня затрыманы
11 жніўня ў Беларусі прайшлі ператрусы і затрыманні ўдзельнікаў віртуальнай платформы "Сход". Праваабаронцам вядома больш чым пра два дзясяткі затрыманых. Некаторых з іх пасля допытаў адпусцілі (напрыклад, доктара навук Наталлю Абрашыну-Жадаеву, Дзяніса Садоўскага з аргкамітэта БХД).
Сярод затрыманых — былы амбасадар Беларусі ў Славакіі Ігар Ляшчэня. Летась ён падтрымаў мірныя пратэсты ў Беларусі. У сераду ў Жодзіне сілавікі прыйшлі да яго з ператрусам, пасля чаго павезлі, як мяркуецца, у сталіцу.
На відэа — колішняя гутарка Еўрарадыё з Ігарам Ляшчэнем пра "Сход".
