КНДР пагражае збіваць амерыканскія бамбардзіроўшчыкі
КНДР пагражае збіваць амерыканскія бамбардзіроўшчыкі. Міністр замежных спраў Паўночнай Карэі Лі Ён Хо заявіў, што Злучаныя Штаты першыя аб’явілі вайну. Ён знаходзіцца ў Нью-Ёрку, дзе ўдзельнічаў у Генеральнай Асамблеі ААН. “Увесь свет павінен добра разумець, што менавіта ЗША першымі аб’явілі вайну нашай краіне”, — сказаў міністр. Ён адзначыў, што збіваць будуць і амерыканскія стратэгічныя бамбардзіроўшчыкі, якія знаходзяцца за межамі паветранай прасторы КНДР.
На мінулым тыдні прэзідэнт ЗША Дональд Трамп, выступаючы ў ААН, прыгразіў знішчыць КНДР, калі яна будзе пагражаць бяспецы Злучаных Штатаў і іх саюзнікаў. Таксама ён выказаўся і на адрас паўночнакарэйскага дыктатара Кім Чэн Ына. У прыватнасці, назваў яго “чалавекам-ракетай”. У адказ з Пхеньяна пачуліся новыя пагрозы.
“Remember that it was the U.S. who first declared war on our country,” North Korea's Foreign Minister says as he speaks to media in NYC pic.twitter.com/9uSUpTHV7Y
— CBS News (@CBSNews) 25 сентября 2017 г.
