Міліцыя паказала, як у бары жанчына разбіла бутэльку аб галаву наведніка

У Мазыры перад закрыццём дыска-бара жанчына разбіла піўную бутэльку аб галаву аднаго з наведнікаў. Здарэнне, якое адбылося 1 снежня, трапіла на відэа. Як інфармуе прэс-служба гомельскай міліцыі, 32-гадовая жанчына і яе знаёмы былі ў кампаніі, якая стаяла каля барнай стойкі. У нейкі момант іх закранула пара, што праходзіла міма. Паміж імі ўзнікла сварка, але яе галоўным удзельнікам стаў іншы наведнік, якому падалося, што гэта на яго адрас груба выказалі прэтэнзію. Справа ішла да бойкі, але ўсё скончылася пасля таго, як жанчына нанесла мужчыне ўдар бутэлькай.

Пацярпелы звярнуўся ў міліцыю. Сілавікі разабраліся ў сітуацыі і ў дачыненні 32-гадовай мясцовай жыхаркі распачалі крымінальную справу, артыкул — "злоснае хуліганства".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.