На прапагандыстку Вольгу Бондараву падалі ў суд
Вольга Бондарава / кадр з YouTube-канала Бондаравай
У суд на вядомую прарасійскую прапагандыстку Вольгу Бондараву падало таварыства з абмежаванай адказнасцю "Гроднаін", якое валодае гарадскім парталам Grodno.in, заўважыў праваабарончы канал "Права маюць".
У суд "інфаказачку" выклікаюць не па палітычных матывах, а па "абароне дзелавой рэпутацыі". Разгляд справы ў Эканамічным судзе Гродзенскай вобласці запланаваны на 25 красавіка. Суддзя — Эдуард Кароль.
Сама Бондарава ў сваіх сацсетках пра суд нічога не пісала. На сайце Grodno.in таксама няма згадак пра суд.
