На волю выйшаў палітвязень Віктар Хлябец
Віктар Хлябец / t.me/viasna96/
На волю выйшаў палітвязень Віктар Хлябец, паведамляе @viasna96. Летась ён быў асуджаны на 1,5 года калоніі агульнага рэжыму за каментар пра забітага ў Мінску афіцэра КДБ ("справа Зельцэра").
Хлябцу 41 год. Ён з Белаазёрска ў Бярозаўскім раёне Брэсцкай вобласці, мае на ўтрыманні малую дачку. У яго ёсць інваліднасць, мужчына хварэе на цукровы дыябет, інсуліназалежны. Віктара Хлябца затрымалі 26 лютага 2022-га, а 28 ліпеня суд Бярозаўскага раёна прызнаў яго вінаватым у "абразе прадстаўніка ўлады". Палітвязень знаходзіўся ў наваполацкай папраўчай калоніі № 1. Ён цалкам адбыў тэрмін, на волю выйшаў 17 траўня.
У лістападзе 2022 года МУС РБ дадаў Хлябца ў спіс "асоб, датычных да экстрэмісцкай дзейнасці".
