“Нельга чапаць Charlie Hebdo, бо ў Раі гэтыя гады забяруць усіх цнатлівак”

Яшчэ ў панядзелак, калі праца над нумарам сатырычнага часопіса Charlie Hebdo была завершаная, галоўны рэдактар Жэрар Біар заявіў: “Мы не хацелі рабіць нумар-некралог. Мы не хочам быць плаксамі”.

Пазней ён адзначыў, што часопіс дакладна працягне выдавацца.

У новым нумары на вокладцы намаляваны прарок Мухамед са слязой на шчацэ з аркушам паперы, на якім напісана “Я — Шарлі” (Je suis Charlie). У верхняй частцы малюнка змяшчаецца надпіс: “Усё даравана” (Tout est pardonné). У новым нумары гэта адзіная карыкатура на прарока. Але ў ім шмат карыкатур на ісламскіх экстрэмістаў.

Нагадаем, што гэта першы нумар пасля тэракту ў рэдакцыі, падчас якога былі забітыя 12 чалавек. Тыя, хто застаўся ў жывых, вырашылі, што часопіс будзе выдавацца, нягледзячы ні на што. Вокладку намаляваў мастак Рэно “Люз” Люзье.

Падчас прэс-канферэнцыі ён распавёў:

“Гэта не тая вокладка, якая спадабаецца ўсім. Але гэта вокладка, якой мы жадалі яе зрабіць. Гэта не тая вокладка, якая спадабаецца тэрарыстам, таму што на ёй няма тэрарыстаў. А ёсць проста чалавек, які плача, добры малы, які плача. Гэта Мухамед. Што ж, мы зноўку намалявалі яго. Але Мухамед, якога мы намалявалі, гэта добры малы, які плача, і гэта галоўнае”.

Мастак заклікае ўсіх французаў набыць гэты нумар і тым самым падтрымаць свабоду слова ў Францыі. Ён таксама паведаміў, што ў часопісе ёсць карыкатуры ўсіх загінулых журналістаў і карыкатурыстаў.

Новы нумар публікуе серыю карыкатур, раней апублікаваных забітымі карыкатурыстамі Валыньскім, Шарбам, Тынёса, Анарэ, а таксама тэксты Бернара Марыса і Эльзы Каят, якія былі забітыя ў выніку нападу ў мінулую сераду.

Адзін з малюнкаў паказвае забітага карыкатурыста Кабу. Ён здзекуецца з джыхадыстаў, якія ваююць у Сірыі, параўноўваючы іх са студэнтамі, якія едуць вучыцца за мяжу па праграме Erasmus.

Рыс, мастак, які быў паранены падчас тэракту, намаляваў карыкатуру, дзе паказана забойства ў рэдакцыі з такім подпісам:

Верхняя выява: Дызайнер “Charlie Hebdo” — 25 год працы

Ніжняя: Тэрарыст – 25 секунд працы.

Ніжэйшы подпіс: Тэрарызм — занятак лайдака і абібока.

Мастачка Карын Рэй, якая падпісваецца Како, публікуе малюнак з назвай “Свабода, я пішу тваё імя”, ушаноўваючы “Марш адзінства”, да якога ў нядзелю далучыліся амаль 4 мільёны чалавек.

Вось яшчэ некалькі карыкатур новага нумара Charlie Hebdo.

- Не трэба чапаць людзей з Charlie Hebdo.

- Сімон, яны ж праславяцца як ахвяры, і аднойчы ў Раі гэтыя гады трахнуць усіх нашых цнатлівак.

Прэзідэнт Аланд, які рухаецца са скалы.
“Я дзейнічаю і буду рабіць гэта да канца” Аланд (13%)

Ды што вы!