Пуцін пракаментаваў ракетны ўдар па гандлёвым цэнтры ў Краменчугу

Прэзідэнта Расіі Уладзіміра Пуціна папрасілі пракаментаваць ракетны ўдар па гандлёвым цэнтры ў Краменчугу. Пасля траплення расійскай ракеты ў будынак ГЦ пачаўся пажар. 18 чалавек загінулі, дзясяткі па-ранейшаму лічацца зніклымі без вестак.

"Ды няма там ніякага тэракту", — сказаў Пуцін. Яго словы прыводзіць "Коммерсант". Паводле словаў расійскага прэзідэнта, яго армія наносіць ўдары "па выніках разведаных мэтаў", а ўкраінскія вайскоўцы "размяшчаюць зброю, комплексы РСЗА, артылерыю, цяжкую тэхніку наогул у жылых кварталах, яшчэ дзесьці".

"Упэўнены, што ў гэтым выпадку было ўсё тое ж самае", — сказаў Пуцін. Ён асобна падкрэсліў, што "ні па якіх цывільных аб'ектах расійская армія не наносіць удараў".

Раней Мінабароны Расіі заяўляла, што цэлілася ў ангар, размешчаны побач. Там, паводле іх звестак, была заходняя зброя. А пажар у гандлёвым цэнтры пачаўся праз дэтанацыю боепрыпасаў.

Між тым украінскі прэзідэнт Уладзімір Зяленскі лічыць, што гэта было не фальшывае трапленне ракет, а пралічаны крок. На месцы трагедыі працягваюць працаваць ратавальнікі. Паводле звестак кіраўніка Палтаўскай адміністрацыі Дзмітрыя Луніна, ад завалаў разабралі каля 80% плошчы ГЦ.