Афрыка [3]: Ва ўнівер... без іспытаў!

Ва ўніверах Паўднёвай Афрыкі няма ўступных іспытаў: на вучобу залічваюць паводле адзнакаў з атэстата. Адзнакі ў школах выстаўляюць не па балах, а ў адсотках, то бок нашая "10" - гэта іх "100%", і апошнія гады ў школе як правіла вельмі цяжкія. У іх 7 прадметаў: ангельская, афрыкаанс, асновы бяспекі жыццядзейнасці і матэматыка, яшчэ тры прадметы школьнік выбірае сам, у залежнасці ад профілю.

У склад Універсітэта Ёханэсбурга ўваходзіць тры былыя ўніверсітэты: Вітвотэрсрэнд (існаваў з 1922 года), Рэнд Афрыкаанз (з 1966 г.) і ўніверсітэт Віста (уключна з тэхналагічным і педагагічным каледжамі, пераважна для чорных). Зараз гэта вялікі мультыкультурны кампус, тут вучацца студэнты з больш як 50 краінаў.

Мне вельмі спадабалася, як рэкламуецца Універсітэт Ёханэсбурга на бігбордах гораду. Вось, паглядзіце. Галоўны слоган: "Будзь кім захочаш!".

Пераважная большасць студэнтаў — чарнаскурыя. А белыя тусуюцца з белымі. Сегрэгацыя нашага стагоддзя…

Гэта адна з кавярняў на тэрыторыі кампуса.

Студэнты ходзяць па кампусе з парасонамі, хаваюцца ад сонца: на двары нашая сярэдзіна лютага — іхні разгар жніўня, +32.

На прыступках аднаго з карпусоў нехта прадае свае старыя падручнікі.

У адным з будынкаў кампуса замест простай сталоўкі, як у нас, цэлы калейдаскоп розных "хутка-смачна": бургерныя, піцэрыі, і нават сушы-ту-гоў.

Нехта, праўда, усё роўна па-хуліганску есць і смеціць проста за сваім вучэбным корпусам. Эх, няма на іх аховы БДУшнага кампуса! 

Але тут клапоцяцца пра экалогію.

Ва ўніверсітэцкім дворыку ўжо паціху надыходзіць восень…

Таксама тут дбаюць пра здароўе: на Дзень Святога Валянціна прапанавана бясплатна прайсці тэсты на ІПШ/ВІЧ/СНІД.

А вось гэта — студэнцкі інтэрнат. Тут асобна жывуць хлопцы і дзяўчаты. Гэты будынак — жаночы.

Сцягі ўніверсітэта і ПАР.

А вось цікава, звярніце ўвагу на стаяначку: гэта ўсё аўто нябедных студэнтаў!

… А гэта — прыпынак для нармальных студэнтаў: аўтобус адвозіць моладзь пасля вучобы ў цэнтр гораду і ў прыгарады.

Дарэчы, паводле афіцыйнай статыстыкі, апошнія гады Ёханэсбург стаў горадам з самым высокім адсоткам людзей з вышэйшай адукацыяй сярод усяго чорнага насельніцтва Паўднёвай Афрыкі.

Працяг будзе...