Ярмошына: самае галоўнае — легітымнасць парламента
Старшыня ЦВК праводзіць чарговую прэс-канферэнцыю, на якой паведамляе апошнія лічбы па галасаванні і адказвае на пытанні журналістаў.
Паводле звестак на 18-ю гадзіну, у выбарах узялі ўдзел амаль 66% выбаршчыкаў. І выбары адбыліся, заявіла Лідзія Ярмошына.
"Самае галоўнае, каб ніхто не сумняваўся ў легітымнасці тых, хто быў абраны", — сказала Лідзія Ярмошына. Яна таксама паведаміла, што скаргаў было няшмат. Яны з’явіліся ў асноўным пасля 17-й гадзіны. Большая частка актаў назіральнікаў звязаная з тым, што яны скардзіліся на выдаленне з выбарчых участкаў. Было як мінімум 5 скаргаў. “Гэта ізюмінка кампаніі”, — паведаміла Ярмошына. Аднак заявіла, што 5 з 30 тысяч — гэта мала.
