Сенатар Джон Макейн падчас слуханняў па Сірыі гуляў у покер на мабільніку
Гэта адбывалася, калі камітэт па міжнародных справах сената Кангрэса ЗША абмяркоўваў магчымы ўдар па Сірыі.
Няёмкі для сенатара момант зафіксаваў фатограф амерыканскай газеты "Вашынгтон пост".
Сам сенатар жартам пракаментаваў падзею ў сваім твітары: "Скандал! Я трапіўся за гульнёй у покер на iPhone падчас трохгадзінных слуханняў у сенаце. Самае жудаснае — тое, што я прайграў".
Пазней сенатар патлумачыў, што часам падчас спрэчак з удзелам калегаў яму становіцца сумна.
Фота — washingtonpost.com
