Сілавікі правялі затрыманні на Лідскім ліцейна-механічным заводзе
![На Лідскім ліцейна-механічным заводзе](/sites/default/files/styles/gallery_main/public/2024-06/gallery_1.jpg.webp?itok=PWM6euB-)
На Лідскім ліцейна-механічным заводзе / llmz.by
Сілавікі правялі затрыманні на Лідскім ліцейна-механічным заводзе. Некалькі чалавек былі схопленыя наўпрост на працоўных месцах. Сцвярджаецца, што яны распаўсюджвалі "экстрэмісцкія матэрыялы" ў сваіх сацсетках.
Цяпер працаўнікі прадпрыемства знаходзяцца ў ізалятары часовага ўтрымання. Іх дакладная колькасць праваабаронцам пакуль невядомая.
Днямі стала вядома, што на металатканым заводзе Haver у Лідзе затрымалі не менш за 9 чалавек. Падобныя "зачысткі" на прадпрыемствах у Беларусі адбываюцца ў апошнія гады. На некаторыя заводы сілавікі прыходзілі па некалькі разоў.
![Сілавікі правялі затрыманні на Лідскім ліцейна-механічным заводзе](/sites/default/files/styles/default_image_paragraph/public/paragraphs/image/40d2271b7e0086d0491cd13b753e041d.JPG.webp?itok=0Fz9xTb-)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.