Сталі вядомыя падрабязнасці выкрадання сямігадовай Лізы са Жлобіна
Журналісты партала TUT.by высветлілі падрабязнасці выкрадання сямігадовай Лізаветы Кірэйчук са Жлобіна. Дзяўчынка, якую шукалі амаль суткі, знайшлася за 700 км ад дома.
Знаёмыя сям'і распавялі журналістам, што дзяўчынка жыла з бабуляй і дзядулем. Яны з'яўляюцца апекунамі Лізы, а яе бацькі пазбаўленыя бацькоўскіх правоў.
"Жанчына гэтая была знаёмая з бацькамі Лізы, яна нездаровая. Куды яна яе хацела павезці, бог ведае, кажуць, што выйшла на трасу, злавіла спадарожную машыну, і ўсё", — кажа знаёмая сям'і.
