У Беларусі ў жыллёва-камунальнай гаспадарцы не хапае працаўнікоў
Праблема з дворнікамі, бо "невялікія заробкі, цяжкая праца" / t.me/minsknews_by/
У Беларусі ў жыллёва-камунальнай гаспадарцы не хапае працаўнікоў. Наяўнасць праблемы з кадрамі ў эфіры СТБ прызнаў намеснік міністра ЖКГ Андрэй Рамашка. "На рамонтныя спецыяльнасці сёння людзей не знайсці", — кажа ён. Праблема таксама з дворнікамі і прыбіральшчыцамі, бо "невялікія заробкі, цяжкая праца".
Па словах Рамашкі, "стаіць задача павелічэння якасці паслуг па санітарным утрыманні і неабходнасць прапаноўваць спажыўцам якасную новую паслугу". За большыя грошы.
