У Кіеве адкрылі помнік беларусам, якія аддалі жыццё за Украіну
У Кіеве на вуліцы Беларускай, 22 сёння ўурачыста адкрылі помнік беларусам, якія загінулі падчас падзеяў на Еўрамайдане, а таксама падчас ваенных дзеянняў на Данбасе.
Як перадае 24tv.ua, мемарыял прысвечаны тром беларусам. Гэта Міхаіл Жызнеўскі, які загінуў 22 студзеня 2014 году ад кулі снайпера на вуліцы Грушэўскага падчас Еўрамайдану. Два другія беларусы загінулі ў зоне Антытэрарыстычнай аперацыі на ўсходзе Украіны. Гэта добраахвотнікі Алесь Чаркашын і Віталь Ціліжэнка, якія загінулі ў баі пад Старагнатаўкай у жніўні 2015 года.
