У Ляхавічах 18 чалавек папярэдзілі "аб недапушчальнасці экстрэмісцкіх паводзін"
Кіраўніцтва ляхавіцкай пракуратуры / lves.by
Сёлета ў Ляхавіцкім раёне Брэсцкай вобласці 18 чалавек папярэдзілі "аб недапушчальнасці экстрэмісцкіх паводзін". За ўвесь мінулы год мясцовая пракуратура выдала 13 такіх афіцыйных папярэджанняў. Пра гэта ў інтэрв'ю раённай газеце расказаў пракурор Ляхавіцкага раёна Ігар Палыка. Паводле яго слоў, пракуратурай "вядзецца мэтанакіраваная работа па супрацьдзеянні экстрэмізму".
Сілавікі, замест таго, каб лавіць злачынцаў, працягваюць шукаць уяўных "экстрэмістаў". І такая сітуацыя па ўсёй Беларусі. Напрыклад, міліцыя Астравецкага раёна Гродзенскай вобласці за тыдзень займаецца пошукамі "экстрэмізму" болей, чым усімі астатнімі справамі.
