У Беларусі ў замарожаных агароднінных сумесях выявілі кішачную палачку
Замарожаная агароднінная сумесь / pixabay.com
У Беларусі ў замарожаных агароднінных сумесях выявілі кішачную палачку, паведамляе Мінскі гарадскі цэнтр гігіены і эпідэміялогіі. На яго сайце апублікаваны "чорны спіс": "Гавайская" сумесь хутказамарожаная гандлёвай маркі GUSTO (дата вырабу 13.11.2023); сумесь для смажання — бульба ў гародніне з грыбамі хутказамарожаная гандлёвай маркі GUSTO (дата вырабу 02.03.2024); хутказамарожаныя гародніна для смажання "Па-беларуску" гандлёвай маркі "Живи Здорово" (дата вырабу 02.04.2024); хутказамарожаная агароднінная сумесь "Мексіканская" гандлёвай маркі GUSTO (даты вырабу 27.05.2024, 15.02.2024, 28.12.2023); хутказамарожаныя гародніна для смажання "Па-хатняму" гандлёвай маркі "Живи Здорово" (дата вырабу 05.02.2024); хутказамарожаныя гародніна для смажання "Па-палеску" гандлёвай маркі "Живи Здорово" (дата вырабу 19.12.2023), а таксама вытворчасці Oerlemans Foods Siemiatycze Sp.Z.o.о. (Польшча).
У адпаведнасці з пастановамі галоўнага санітарнага лекара, продаж гэтай небяспечнай прадукцыі ў Беларусі забаронены, з гандлёвых сетак забіраюць яе астаткі.
