У Ваўкавыскім раёне рыбак заснуў каля вогнішча і атрымаў апёкі
У Ваўкавыскім раёне рыбак заснуў каля вогнішча і атрымаў апёкі спіны і левай рукі (9% цела). Як інфармуе прэс-служба МНС Гродзенскай вобласці, здарэнне адбылося 18 студзеня. 32-гадовы жыхар Ваўкавыска быў на рыбалцы на Нёмане. У той момант, калі ён заснуў каля вогнішча, ад агню загарэлася адзенне. Ён прачнуўся і збіў полымя. Пацярпелага шпіталізавалі ў Ваўкавыскую цэнтральную раённую бальніцу.
