У Віцебску інспектар ДПС уратаваў жанчыну, якая хацела скокнуць з моста
У Віцебску інспектар ДПС уратаваў жанчыну ад суіцыду. Познім вечарам 31 траўня супрацоўнік ДАІ Віталь Чарамных быў на дзяжурстве і афармляў ДТЗ на вуліцы Зеленагурскай. Калі ён заканчваў працу, побач спыніўся трамвай, які праязджаў гэтай вуліцай. Кіроўца трамвая паведаміў інспектару, што непадалёк на мосце стаіць жанчына і хоча скінуцца ў раку Лучоса.
Чарамных узяў з сабой яшчэ аднаго інспектала, Алега Сакалова і праз хвіліну быў на месцы. Жанчына на той момант пералезла праз загараджэнне і стаяла тварам да праезнай часткі. Там сабраліся людзі, сярод якіх былі нават супрацоўнікі МНС, аднак ніхто не вырашаўся падысці, бо жанчына пагражала скочыць уніз.
Машына інспектараў ДАІ выпадкова спынілася побач з жанчынай. Інспектар Чарамным пачаў размаўляць з ёй і паспеў схапіць за руку, калі гераіня гісторыі ўжо гатовая была скінуцца з моста. Двое інспектараў выцягнулі жанчыну на праезную частку — тая была ў непрытомнасці.
Пазней высветлілася, што гэта жыхарка вёскі Копці Віцебскага раёна 1968 года нараджэння. На такі адчайны крок яна пайшла праз няшчаснае каханне. Цяпер няўдалая самазабойца знаходзіцца ў псіхіятрычным дыспансеры, паведамляе БЕЛТА.
