Як інтэлектуалу не стаць ахвярай калектыўнай адказнасці — эфір з Доліным
Нават фестываль інтэлектуальнай кнігі не абышоўся без скандалу. Прычым разгарэўся той скандал яшчэ да пачатку фестывалю. Дайшло да таго, што шэраг беларускіх дзеячоў культуры адмовіліся ад удзелу ў “Прадмове”. А ўсё праз тое, што на фэст запрасілі прадстаўнікоў расійскай культуры кшталту кінакрытыка Доліна і публіцыста Шандаровіча. Папраўдзе, не толькі гэта сталася нагодай для непаразумення, але тым не менш прывяло да таго, што той жа Долін ад удзелу ў “Прадмове” адмовіўся.
Як вайна ва Украіне паўплывала на стасункі паміж інтэлектуаламі і творчымі людзьмі розных краін? Ці існуе калектыўная віна і калектыўная адказнасць? Да чаго можа прывесці кэнсэлінг рускай (і беларускай) культуры? На гэтыя ды іншыя пытанні адказвае расійскі кінакрытык Антон Долін.
