Як перамагчы залежнасць ад тэлефона — некалькі простых крокаў

Вы можаце бясконца скроліць сацсетку, бо хочаце крыху весялосці ў канцы дня ці таму, што хочаце забыць пра стрэс. Магчыма, вы сумуеце па зносінах з іншымі людзьмі, і сацыяльныя сеткі здаюцца вам найлепшым варыянтам. Ці, можа, вы проста шукаеце добры рэцэпт?

Паспрабуйце альтэрнатыву

Ці можаце вы задаволіць псіхалагічныя патрэбы чымсьці, акрамя "заліпання" ў тэлефоне? Падумайце, што яшчэ прымушае вас адчуваць сябе добра.

Скажам, калі вам не хапае зносін — заплануйце сустрэчу з сябрам ці з кімсьці з блізкіх. Шукаеце натхнення? Памалюце алоўкамі, пачытайце літаратуру ці паглядзіце добрае кіно. Проста сумна? Выдатная нагода выйсці на шпацыр — гэта падтрымае і фізічнае, і ментальнае здароўе.
 

Яшчэ некалькі парадаў

Базавыя парады ад псіхолагаў: плануйце замены, а не рабіце гэта спантанна. Гэта як з фаст-фудом: складана замест бургера раптам захацець кашы з рыбай, але можна загадзя запланаваць меню. Пачынайце з малога і спрабуйце разнастайнасць — так будзе прасцей перамагчы лічбавую залежнасць. І ўважліва адсочвайце трыгеры, якія падштурхоўваюць вас зноў схапіцца за тэлефон "проста так".