Ярмошына расказала, з-за чаго некаторыя беларусы не ідуць на выбары

Старшыня Цэнтральнай выбарчай камісіі Лідзія Ярмошына заклікала беларускую моладзь выказаць сваю актыўную грамадзянскую пазіцыю восенню 2015-га і прыняць удзел у прэзідэнцкіх выбарах. Пра гэта яна заявіла ў чацвер у Мінску на сустрэчы з прадстаўнікамі Беларускага рэспубліканскага саюза моладзі.

Ярмошына нагадала, што верагодная дата выбараў — 15 лістапада. Каб яны адбыліся, у іх мусяць узяць удзел больш за 50% выбарцаў. Старшыня ЦВК прызнала, што не ўсе беларусы гатовыя пайсці на выбарчыя ўчасткі.

"Хтосьці з пачуцця ўласнага пратэсту, хто-небудзь з-за звычайнай абыякавасці або ляноты. Выступаючы з пасхальнай пропаведдзю, Папа Рымскі назваў абыякавасць і ляноту двума галоўнымі грахамі сучаснасці", — цытуе словы Лідзіі Ярмошынай БелаПАН.

Старшыня ЦВК адзначыла, што на першы тур прэзідэнцкіх выбараў плануецца выдзеліць з бюджэту 18 млрд рублёў (каля 12 млн долараў). Яна заклікала моладзь быць адказнай і актыўна ўдзельнічаць у першым туры выбараў. "Ведаючы, якія грошы патрачаныя, хаця б сэканомце іх, нават калі вы прагаласуеце супраць усіх", — сказала Ярмошына.

Фота: ria.ru