Амбасаду Турцыі ў Маскве закідалі камянямі і бутэлькамі
Перад турэцкай амбасадай у Маскве прайшла ўжо другая акцыя пратэсту за суткі. У ёй прынялі ўдзел некалькі соцень чалавек. Як перадае BBC, будынак закідалі камянямі, яйкамі і слоікамі з фарбай. Дэманстранты выбілі шыбы ў некалькіх вокнах будынка. Паліцыя ў дзеянні мітынгоўцаў не ўмешвалася і нікога не затрымлівала.
У амбасадзе кажуць, ад кінутых у вокны буйных камянёў і бутэлек некаторыя супрацоўнікі атрымалі дробныя траўмы.
Напярэдадні каля амбасады прайшла акцыя, у якой прынялі ўдзел больш за 600 чалавек. Некаторыя ўдзельнікі акцыі трымалі ў руках плакаты з надпісамі "Удар у спіну" і "Не еду ў Турцыю". Нагодай для акцыяў пратэсту стаў інцыдэнт са збітым ля турэцка-сірыйскай мяжы расійскім бамбавіком Су-24.
Фота: BBC
