Атрад спецназа ўнутраных войскаў з'явіўся і ў Віцебску

Атрад спецназа ўнутраных войскаў з'явіўся і ў Віцебску. Ён атрымаў назву "Віцязь". Яго афіцыйнай прэзентацыі яшчэ не было, піша @hajun_by.

Гэта 13-е такое падраздзяленне, створанае ў Беларусі за апошнія гады. У Віцебскай вобласці яго стварылі ў апошнюю чаргу —  базе 7-й асобнай спецыяльнай міліцэйскай брыгады (в/ч 5524).

Атрады спецназа — "дзецішча" намесніка міністра ўнутраных спраў Мікалая Карпянкова. Яны ствараюцца з 2022-га. Рэжым Аляксандра Лукашэнкі палічыў, што розных спецпадраздзяленняў замала. Новыя "спецназы" ўжо ўдзельнічаюць у рэпрэсіях — затрымліваюць беларусаў за іх палітычныя погляды. У навучанні згаданых атрадаў удзельнічалі і, відаць, працягваюць удзельнічаць былыя расійскія найміты-"вагнераўцы". Карпянкоў кажа пра іх, як пра "інструктараў, якія валодаюць баявым вопытам".

12-ы атрад спецназа — "Гром" — у красавіку быў сфармаваны ў Магілёве.