"Чорная пятніца" блізка: што і па якой цане прадаецца ў Польшчы і Беларусі

Пяройдзем у мужчынскі аддзел. Куртка-кашуля на гузіках у варшаўскай краме абыйдзецца вам 99,90 злотых (81,9 рубля), у Мінску за такую ж мадэль давядзецца аддаць на 27 рублёў больш — 109 рублёў.

Ну і зазірнем у дзіцячы аддзел. Так, штаны на хлопчыка 14 гадоў у Польшчы вы купіце за 69,90 злотых (57,2 рубля), а ў Беларусі — за 79,99 рубля.

Pull&Bear

Яшчэ адзін папулярны брэнд той жа самай Inditex выставіў шмат тавараў на акцыю. Але ў асноўным летнюю калекцыю.

І тут сітуацыя амаль такая ж, як з "Зарай". Напрыклад, жаночую сукенку ў польскай краме вы маглі б купіць за 65,90 злотых (54 рублі), у Беларусі ж за 65,99 беларускіх рублёў.

Аналагічная сітуацыя з мужчынскай курткай: у Варшаве яна каштуе 139 злотых (113 рублёў), а ў Мінску — 139 рублёў. Розніца — 26 рублёў.

Хоць асартымент у крамах і аднолькавы, але сярэдні чэк у Польшчы будзе ніжэйшы, чым у Беларусі. 

New Yorker

Нямецкі брэнд New Yorker таксама распачаў сезон распродажаў. Тут цэны прыкладна аднолькавыя з Беларуссю. І калі вы прыехалі ў Польшчу на шопінг, то заходзіць сюды сэнсу асаблівага няма.

Да прыкладу, за летнюю мужчынскую кашулю ў Польшчы вы аддасце 24,95 злотых (20,4 рубля), купляючы ў Беларусі яшчэ і зэканоміце капейкі — усяго 19,99 рубля.

Практычна тое ж самае і з мужчынскай курткай з капюшонам: у Польшчы — 95,95 злотых (78,6 рубля), у Беларусі — 79,99 рубля. 

BIG STAR

Гэты польскі брэнд усё яшчэ працягвае працаваць у Беларусі. Асартымент у крамах Варшавы і Мінска амаль аднолькавы, але цэны на некаторыя тавары могуць адрознівацца ў разы.

Возьмем жаночую сукенку, у Варшаве вы заплаціце 49,99 злотых (40,9 рубля), а ў Мінску — 68,99 рубля.

А вось мужчынскія красоўкі: у польскай краме яны каштуюць 139,99 злотых (114 рубля), а ў беларускай (увага!) — 260,99 рубля. Розніца — 128%.

На ўсялякі выпадак паглядзім і мужчынскія курткі. Аказалася, і тут розніца не на карысць Беларусі. 

Зімовая мужчынская куртка ў Польшчы ад гэтага самага брэнда абыдзецца вам 259,99 злотых (213 рублёў), у Беларусі вы б заплацілі на 61 рубель больш — 274 рублі. 

Massimo Dutti

Яшчэ адзін філіял іспанскай групы кампаній Inditex пазіцыянуецца як брэнд, які прадае больш дарагія рэчы ў параўнанні са звыклымі мас-маркетамі.

Але і тут мінскія крамы моцна прайграюць варшаўскім у цэнах.