Цыклон Daniella сарваў прыбыццё авіярэйсаў у Нацыянальны аэрапорт Мінск
Непагадзь затрымала прыбыццё некалькіх рэйсаў у Нацыянальны аэрапорт Мінск. Пра гэта інфармуе БЕЛТА.
Практычна на 1,5 гадзіны затрымліваецца рэйс EY-061 / B2-0351 з Абу-Дабі. Ёсць інфармацыя пра затрымкі рэйсаў LO-705 / B2-705 з Варшавы (у звычайныя дні прылёт па раскладзе ў Мінск у 15.05) і B2-784 са Стамбула (15.15).
Авіякампанія Lufthansa увогуле адмяніла рэйс LH-1486 Франкфурт-Мінск. Ён мусіў прызямліцца ў Нацыянальным аэрапорце Мінск сёння ў 14.35.
