Студэнта БДУІР затрымалі за пратэсты і каменты пра тэракт у "Крокусе"
Затрыманы студэнт БДУІР / тг-канал сілавікоў
У праўладных тг-каналах з'явілася паведамленне пра затрыманне 20-гадовага трэцякурсніка Беларускага дзяржаўнага ўніверсітэта інфарматыкі і радыёэлектронікі.
Сілавікі знялі відэа, на якім хлопец кажа, што ў 2020 годзе (тады яму было 16) пісаў у чат-бот праекта "Голас", хадзіў на пратэсты, распаўсюджваў "экстрэмісцкія" матэрыялы. Таксама ён заяўляе, што каментаваў тэракт у падмаскоўным клубе "Крокус Сіці хол" і "радаваўся гэтай сітуацыі". Акрамя таго хлопец кажа, што падтрымліваў украінцаў.
