У мінскай клініцы зачынілі аддзяленне гастраэнтэралогіі — няма дактароў
6-я клініка ў Мінску / Яндэкс
У мінскай 6-й гарадской бальніцы не працуе аддзяленне гастраэнтэралогіі, паведамляе тг-канал "Белыя халаты".
Паводле афіцыйнай версіі, так здарылася праз адсутнасць дактароў.
Пры гэтым у некаторых медыцынскіх установах, як падкрэсліваюць "Белыя халаты", кадравікі патрабуюць даведку пра несудзімасць. А калі кандыдат не можа ці не хоча яе прынесці, вакансіі цудоўным чынам знікаюць.
Медыкі прынялі актыўны ўдзел у пратэстах супраць зверстваў сілавікоў у 2020 годзе. Пасля гэтага іх працягваюць пераследаваць: звальняюць, арыштоўваюць і судзяць. Многія медыкі былі вымушаныя эміграваць з Беларусі.
