Жанна Раманоўская збірае подпісы за сябе ў пікеце ля ГУМа (фота)
Раней самая таямнічая кандыдатка заяўляла, што збірае подпісы толькі з дапамогай абыходу дамоў і прадпрыемстваў.
Раманоўскую ля ГУМа сёння заўважыў фатограф “Нашай Нівы”. На дадзены момант гэта першы вядомы пікет беспрацоўнай настаўніцы, якая вырашыла паўдзельнічаць у выбарчай кампаніі.
Нагадаем, збор подпісаў ініцыятыўнымі групамі патэнцыйных кандыдатаў пачаўся 23 ліпеня і завершыцца 21 жніўня. Для рэгістрацыі свайго кандыдата кожная з груп павінна назбіраць як мінімум 100 тысяч подпісаў. На дадзены момант гэта зрабілі толькі прыхільнікі Аляксандра Лукашэнкі. Па звестках ЦВК, у яго ўжо больш за 500 тысяч подпісаў.
