Банкі масава зніжаюць стаўкі па тэрміновых рублёвых укладах

Буйныя беларускія банкі аб'явілі пра зніжэнне адсоткавых ставак па тэрміновых рублёвых укладах фізічных асоб. Стаўкі па ўкладах для фізічных асобаў па рублёвых дэпазітах зменшыліся на 5 пунктаў, перадае БелаПАН.

"Белаграпрамбанк" 13 студзеня знізіў адсоткавую стаўку па тэрміновым рублёвым укладзе "Вялікія грошы" з 50 да 45%.

"Беларусбанк" яшчэ 10 студзеня знізіў стаўку па тэрміновым рублёвым укладзе "Гарантаваны даход" таксама з 50 да 45% гадавых.

"Белгазпрамбанк", які ўваходзіць у шасцёрку вядучых банкаў краіны, зменшыў стаўку па тэрміновым рублёвым укладзе "Рацыянальны" з 49 да 44%.

Нагадаем, што 9 студзеня Нацбанк знізіў верхнюю мяжу адсоткавых ставак па дэпазітах юрыдычных асоб з 50 да 40% гадавых. Адначасова з гэтым прагучала заява, што па меры далейшай стабілізацыі сітуацыі на фінансавым рынку стаўкі па дэпазітах фізічных асоб таксама будуць змяншацца.

Фота — naviny.by