Дзяўчына з Брэста пракаментавала відэа пра пачак бюлетэняў у яе руках

Еўрарадыё аператыўна высветліла асобу дзяўчыны. Высветлілася, што яна працуе ў дзіцячым садку, які месціцца ў 50 метрах ад згаданага выбарчага ўчастка, а Мосіна яго дырэктарка.

Сайт brestcity.com увечары 13 лістапада здолеў атрымаць каментар Кулічковай. "Я прыйшла прагаласаваць датэрмінова, — кажа яна. — Гэта маё права. І зусім не чакала, што нехта будзе размаўляць са мной такім тонам". Па словах дзяўчыны, у яе ў руках быў не стос бюлетэняў, а "утрая складзены бюлетэнь". "Гэта не забаронена, — працягвае Анастасія Кулічкова. — І я не павінна нічога тлумачыць".

Педагог-псіхолаг прызнаецца, што дагэтуль не можа апамятацца: "Я сапраўды спалохалася, таму і пайшла. Непрыемна вельмі, што мяне абвінавачваюць у тым, чаго я не рабіла".

Можна спадзявацца, што з'явіцца і каментар старшыні выбарчай камісіі наконт таго, чаму яна параіла сваёй падначаленай пакінуць выбарчы ўчастак, а не апусціць бюлетэнь (ці бюлетэні?) у скрыню.