МЗС Польшчы заклікае спыніць гвалт і неадкладна вызваліць затрыманых у Мінску

Міністэрства замежных спраў Польшчы абнародавала заяву, у якой выказала занепакоенасць з нагоды падзей у Мінску 25 сакавіка. 

У дакуменце называюцца прыклады парушэння грамадзянскіх правоў і свабодаў у Беларусі: прэвентыўныя затрыманні і арышты, запалохванні журналістаў і актывістаў незалежных арганізацый, якія адбываліся як на мінулым тыдні, так і ў дзень пратэсту, у тым ліку ператрус памяшканняў арганізацыі «Вясна». Згадваецца таксама, што ўдлады не дазволілі ахвочым трапіць на месца вулічнай акцыі ў Мінску.

Польскія дыпламаты заклікаю спыніць гвалт з боку праваахоўных органаў і неадкладна вызваліць з-пад арышту затрыманых.

У заяве адзначаецца, што ЕС хоча будаваць трывалыя адносіны з Беларуссю на аснове павагі правоў чалавека і фундаментальных свабодаў, у тым ліку свабоды слова і права на сходы.