На новым альбоме Мадонна спяе з Майкам Тайсанам
Пра гэта сведчыць трэк-ліст кружэлкі, апублікаваны спявачкай.
На новым альбоме Мадонны "Rebel Heart" будзе 19 песень, тры з якіх спявачка выканае ў дуэтах з іншымі артыстамі. Сярод сёлетніх калабарацый — супрацоўніцтва з Нікі Мінаж, амерыканскім рэперам Nas, а таксама з Chance The Rapper і Майкам Тайсанам. У свой час знакаміты баксёр прадэманстраваў свае вакальныя дадзеныя ў камедыі "Хлапечнік у Вегасе 2" і спяваючы боса-нову "Girl from Ipanema" на бразільскім тэлебачанні.
Нагадаем, не так даўно частка песень з альбома ўцякла ў сеціва, але, як і папярэджвала Мадонна, не ўсе з іх трапілі ў фінальную версію кружэлкі.
Паводле zvuki.ru
Фота: www.nova.ie
