На "Ралан Гарос" Сабаленка зноў сустрэнецца з украінкай

На "Ралан Гарос" Арына Сабаленка зноў сустрэнецца з украінкай. Саперніцай другой ракеткі свету ў чвэрцьфінале стала Эліна Світоліна (192-я ў сусветным рэйтынгу, на здымку знізу).

У 1/8 фіналу Сабаленка з цяжкасцю абыграла амерыканку Слоан Стывенс (30) — 7:6(7:5), 6:4. На старце адкрытага чэмпіянату Францыі беларуска прайшла ўкраінку Марту Касцюк (39).

У Парыжы Арына Сабаленка адмовілася адказваць на пытанне пра яе стаўленне да Аляксандра Лукашэнкі і вайны ва Украіне. Пазней яна заявіла, што "не адчувала сябе ў бяспецы". Пасля паядынку з Стывенс яна зноў не ўдзельнічала ў агульнай прэс-канферэнцыі. Мяркуецца, што такім чынам тэнісістка намагалася пазбегнуць "правакацыйных пытанняў".