Расійскія знішчальнікі перебазуюцца на аэрадромы Беларусі
Такое рашэнне прыняў беларускі бок. Пра гэта паведаміў у сераду камандуючы Ваенна-Паветранымі Сіламі Алег Дзвігалёў.
Па яго словах, якія перадае interfax.by, ён атрымаў задачу на адпрацоўку пытанняў па нарошчванні дзяжурных сіл па супрацьпаветранай абароне Адзінай рэгіянальнай сістэмы супрацьпаветранай абароны Беларусі і Расіі. Планамі сумесных дзеянняў прадугледжана перабазаванне як беларускай авіяцыі на аэрадромы Расіі, так і авіяцыі Расіі на аэрадромы ў БеларусіЁн адзначыў, што гэтае рашэнне ўзгоднена з расійскім бокам.
Сумеснае баявое дзяжурства па супрацьпаветранай абароне будзе арганізаванае як на аэрадромах базавання, так і на аператыўных аэрадромах. Аэрадромы ўжо гатовыя да прыёму авіяцыі.
Фота — spaceleaks.ru
