Школьнікі і студэнты могуць прапусціць пяць дзён без даведкі — Мінздароўя
Пяць дзён заняткаў можна прапусціць без даведкі / pixabay.com
Дзеці і падлеткі могуць пры захворванні прапусціць без даведкі з медустановы не больш за пяць дзён.
Адпаведнае распараджэнне на перыяд ўздыму захворвання на вірусныя інфекцыі выдала Міністэрства аховы здароўя. Яно распаўсюджваецца на ўстановы дашкольнай, агульнай сярэдняй, прафесійна-тэхнічнай, сярэдняй спецыяльнай і вышэйшай адукацыі.
Гэтае правіла дзейнічае з 9 кастрычніка. Як паведамляе прэс-служба Мінздароўя, норма будзе дзейнічаць да асаблівага распараджэння.
