У Беларусі ўпершыню прызналі "экстрэмісцкай" старонку ў linktr.ee
Гэта нават не сацсетка / instrumentary.com
У Беларусі ўпершыню прызналі "экстрэмісцкай" старонку ў linktr.ee. Яна належыць стэндап-коміку Міхасю Ільіну.
Гэта нават не сацсетка, а сэрвіс, дзе можна размяшчаць спасылкі на іншыя сайты: на яе нельга падпісацца, а ставіць "лайк" няма дзе.
На сваёй старонцы ў linktr.ee Ільін размяшчае спасылкі на продаж квіткоў на свае канцэрты.
Акрамя старонкі на гэтым сэрвісе суд Чыгуначнага раёна г. Гомеля таксама прызнаў "экстрэмісцкімі" Instagram і TikTok Ільіна. Варта адзначыць, што на старонцы коміка ў Twitter суд "экстрэмізму" не знайшоў, а гэта самая папулярная і актыўная з яго сацсетак.
